البوابة
قصيده كتبها شاب تعرض لحادث سياره ووالدته كانت معاه نوكان مسرعا ونتيجه هذا الحادث الوالده توفيت نتيجه الاصابات الخطيره وهو اصابته خفيفه وهذي الابيات قالها للي يواسونه يواسيني وان الميت وحالي يجبر الدمعات تسيل من الذي فيني ويبكي وهو يواسيني وأنا ابكي واتنهد وارسم بالحزن لوحات يجبروني علشان أمشي ورجولي ماتمشيني قتلت رعايتي بيدي قتلت الحب والرحمات حرمت النفس من حقها وأنا أبكيها وتبكيني وكنه حلم قدامي يقيدني من الصرخات أبي أصحى ولكني عجزت ألقى أللي يصحيني فداج القلب يايمه مهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنون حزنهم أكبر وهم أصحاب هالمأساه وأنا اتحدى اذا فيهم ربع مايحترق فيني نقص قدري بعد موتج وغابت نشوه اللذات صار الهم عكازي اباكيه ويباكيني عطيتيني بدون حساب ولاسمعتج تقولين هات وأنا اشرب حيل من دمج ودمج مايكفيني يايمه ارجعي كافي أبجلس معج لو لحظات وأقبل ايدج ورجيلج وأفرش لج رمش عيني يايمه ماتحملهم يقولون فات ماقد مات تعالي غيري هالقول وأطيعج باقي سنيني وأترك عاده التدخين وأنفذ ماتبين بسكات وأصلي الفجر في المسجد قبل منتي تصحيني يايمه ارجعي تكفين وطفي شمعه الاهات ابيج انتي ولا غيرج على موتج تعزيني وضميني وداويني مثل ماكانت الهقوات مابي احدن يواسيني أبيج انتي تواسيني دخيلج بس لاتبكي اذا شفتي بي الدمعات أنا ماقوى ابكيج اذا انتي تبكيني في النهايه حبيت اقول الله يهدي كل شبابنا ويعقلهم وخليهم يبعدون عن السرعه والتهور .......... وهذي نهايه السرعه والتهور |
منتدى وموقع الاسلامي
